"நீ சொல்ரது நம்பர மாதிரி இல்லை! "என்றான் பிலிப்.
"நிஜம்பா! நம்பு! அதுக்கு பேரு கிளீன் லெவின் சிண்ட்ரோம்.சுருக்கமா கே.எல்.எஸ்.தமிழ்ல சொன்னா கும்பகர்ணதூக்கம்.தூங்க ஆரம்பிச்சா 64நாளைக்கு தூங்குவாங்க! சாப்பாடு, தண்ணி எதுவுமில்லாம! விஞ்ஞானிகள் துருவ கரடியோட தூக்கத்துக்கும் இதுக்கும் எதாவது தொடர்பு இருக்குமான்னு ஆராய்ச்சி பண்ண முடிவு பண்ணியிருக்காங்க! "என்றான் ஜான்.
"அதனாலதான் அந்த ஒரு பெண்ணை கூட்டிட்டு வர நம்மளை அனுப்பியிருக்காங்களா? "என்றான் பிலிப்.
"ஆமா! சொல்லப்போனா அந்த தூக்கத்தினாலதான் அவ உயிரோட இருக்கா! D வைரஸ் அட்டாக் ஆனபோது நியூயார்க்ல எல்லோரும் செத்துட்டாங்க! யூனிவர்சல் டோனர் மட்டும் வைரஸ் அட்டாக்குக்கு ஆளாகாமல் தப்பிச்சுட்டாங்க! "
"யூனிவர்சல் டோனர்னா? "
"ஓ குரூப்புக்காரங்க! அவங்க ரத்தம் யாருக்கு வேணா சேரும்! அதனால அந்த பேரு! "
"நாம நியூயார்க்கை நெருங்கிட்டோம்! "என்றார் பைலட்.!
ஹேலிகாப்டர் நியூயார்க்கின் மீது பறக்கத் தொடங்கியது.சீல் வைக்கப்பட்ட நியூயார்க் சிதைய தொடங்கியிருந்தது.தார் சாலையில் புற்கள் வளர்ந்திருந்தன.மின்சார கம்பிகளின் மேல் கொடிகள் படர்ந்திருந்தன.நிறைய விலங்குகள் சுதந்திரமாக திரிந்து கொண்டிருந்தன.
"இவையெல்லாம் வைரஸ் தாக்குதலில் தப்பித்து விட்டன.!"என்றான் பிலிப்.
"64நாள் தூக்கத்துக்கு பின்னாடி நேத்துதான் முழிச்சிருக்கா! பிரிட்ஜிலிருந்ததையெல்லாம் தின்னுட்டு வெளியே வந்து பார்த்தால் ஒரு மனிதனும் இல்லை! விலங்குகளோட தாக்குதலுக்கு பயந்து ரூம்லயே அடைஞ்சு கிடக்கிறாள்.எப்படியோ ஒரு போனை கண்டு பிடிச்சு 119 க்கு கால் பண்ணியதால் மீட்க நாம வந்திருக்கிறோம்! "
"எந்த பில்டிங்குன்னு அந்த பொண்ணை கேளுங்க! "என்றார் பைலட்.
கையிலிருந்த செல்லை உயிர்பித்தவன் "கெல்லி! நீ எங்கிருக்கிறாய்னு அடையாளம் சொல்லு! நாங்க வந்துட்டோம்! "என்றான்.
அவள் அடையாளம் சொன்ன பில்டிங்கின் மொட்டை மாடி புல் வளர்ந்து குப்பை கூளமாக இருந்தது.நின்ற ஹேலிகாப்டரிலிருந்து குதித்த ஜான் "பைலட்! உங்களுக்கு சுட தெரியுமா? "என்றான்.
"துப்பாக்கியை பார்த்ததுடன் சரி! "என்றவரை நோக்கி தன் கன்னில் ஒன்றை எரிந்தவன் "சேப்டிக்கு வச்சிக்குங்க! "என்றான்.
"நாங்க ரெண்டு புளோர் கீழே போகனும்! வெயிட் பண்ணுங்க! "
அவர்கள் டார்ச் லைட்டுடன் இருளை கிழித்து கொண்டு முன்னேறினார்கள்.குப்பை கூளங்களை கடந்து ஒவ்வொரு அறையாக திறந்து கடைசியில் கட்டிலுக்கு அடியில் பதுங்கி கிடந்தவளை கண்டுபிடித்தார்கள்.
எலும்பும் தோலுமாக இருந்தவளை பார்த்து "நிஜமாவே அத்தனை நாள் நீ தூங்குவியா? "என்றான் பிலிப்.
"ஆமா! அதோட அறிகுறியா பயங்கரமா தலை வலிக்கும்.அப்புறம் தூங்க ஆரம்பிச்சுருவேன்! "என்றவளை இழுத்து கொண்டு மேலே வந்த போது பைலட் துப்பாக்கியின் சேப்டி லாக்கரை விடுவிக்க முடியாமல் "என்னை விட்டு போங்க! "என்று மரணபீதியில் அலறிக் கொண்டிருந்தான்.அவனை மூன்று புலிகள் தாக்க தயாராகிக் கொண்டிருந்தன.
ஜானும், பிலிப்பும் துப்பாக்கியை உயர்த்தும் முன்பாக பைலட் பயத்தில் மாடியிலிருந்து குதித்து விட்டான்.இப்போது அவன் துப்பாக்கி சேப்டீ லாக்கர் விடுபட்டு வெடித்தது.
"தப்பான நேரத்துல வெடிச்சிருச்சு! "
அடுத்தடுத்த தோட்டா முழக்கங்களுக்கு பின் இறந்து கிடந்த புலிகளை தாண்டினார்கள்.
"சரியா மாட்டிட்டோம்.எனக்கு ஹேலிகாப்டரை ஓட்டத்தெரியாது! "என்றான் பிலிப்.
"எனக்கும்தான்! "என்றான் ஜான்.
"இவளை காப்பாத்த வந்து நாம மாட்டிகிட்டோம்! "என்றான் பிலிப் வெறுப்புடன்.
"டோண்ட் ஒர்ரி! எனக்கு இதை ஓட்ட தெரியும்! "என்றாள் கெல்லி.
அடுத்த ஐந்தாவது நிமிடத்தில் பறக்க ஆரம்பித்த ஹேலிகாப்டர் இரண்டாயிரம் அடி உயரத்தில் நிலையாக பறக்க ஆரம்பித்திருந்தது.ஜானும் பிலிப்பும் சந்தோஷத்தில் மிதந்து கொண்டிருந்த போது கெல்லியின் உதடுகள் உச்சரித்த வார்த்தையை இருவரும் கவனிக்க தவறினார்கள்!
"எனக்கு தலை பயங்கரமா வலிக்குது! நான் தூங்கப் போறேன்! "
கருத்துகள் இல்லை:
கருத்துரையிடுக