"இது கனவா.?நனவான்னு தெரியலையே.?"என்றான் சிவா.!
"எனக்கும்தான் பாஸ்.!"என்றான் ராஜ்.
"இந்த ரூம்ல எல்லாமே நம்மளைத் தவிர பிரம்மாண்டமாய் இருக்கு.!எப்படிடா.?"
"ஒரு இங்கிலீஷ் படத்துல பார்த்தேன் பாஸ்.சின்ன பசங்க ஒரு கிறுக்கு விஞ்ஞான கருவினால ரொம்ப பொடிசா மாறிருவானுக.!அந்த மாதிரி எதுனா கண்டுபிடிச்சி நம்மளை பண்ணியிருப்பாங்களோ.?"
"இங்க அந்தளவுக்கு டெக்னாலாஜி வளரலை.!கடைசியா பாலுவை பிடிக்க வரும்போது தலைல அடி பட்டு மயங்குனது நினைவிருக்கு.!முழிச்சு பார்த்தா இப்படி ஒரு விபரீதம்.!"
சுற்றிலும் இருந்த பிரமாண்ட சோபா,நாற்காலிகளை,டைனிங் டேபிளை பார்வையிட்டவன்."நாம சின்னதாகி விட்டோமா.?இல்லை இதெல்லாம் பெரிசா இருக்கான்னு குழப்பமா இருக்கு.!"
"சட்டை பட்டனில் ஜி பி ஆர் வைச்சிருக்கேன்.அத வைச்சு நம்மாளுக வந்துருவாங்க.!இப்ப மணி என்ன.?"
"ஒண்ணாகப் போகுது.!"
"கொஞ்ச நேரத்துல உண்மை தெரியப் போகுது.! வெயிட் பண்ணுவோம்.!"
அவர்கள் சோர்ந்து உட்காருவதை கேமரா வழியாக பார்த்துக் கொண்டிருந்தான் பாலு.
"என்னை பிடிக்க வந்து எங்கிட்டயே மாட்டிகிட்டானுக.அவனுக சைஸ் நார்மல்தான்.அந்த ரூமில் இருப்பதெல்லாம் பெரிசு.கொஞ்ச நாள் இதுல இருந்தா பைத்தியம் புடிச்சுடும்.இந்த செட்டப் மன உளைச்சலை உருவாக்கும்.!"என்றான்.
அருகேயிருந்த அடியாள் "பாஸ்.!மணி ஒன்னாச்சு.!அவனுகளுக்கு சாப்பிட எதாவது கொடுக்கனும்.இல்லைன்னா செத்துருவானுக.!"
"கீழே உள்ள ரகசிய வழியில் தட்டை தள்ளி விடு.!"
ஒடிப்போய் தட்டை எடுத்து சாப்பிட்டவர்கள் ஜாலியாக ஆடு புலி ஆட்டத்தை ஆட ஆரம்பித்தனர்.
போலீஸ் டிராக் பண்ணி வந்து பாலுவை கைது செய்து இருவரையும் மீட்டபோது குழப்பத்துடன் கேட்டான்."அந்த ரூம் ஒரு செட்டப்புன்னு எப்படி கண்டு பிடிச்சீங்க.?"
"எல்லாமே பெரிசா செய்து வைத்து குழப்பினாய்.ஆனால் சாப்பாட்டை அப்படி செய்ய முடியவில்லையே.இட்லி,புரோட்டாவெல்லாம் பெரிசாயில்ல செய்திருக்கனும்.அதுலதான் இது செட்டப்புன்னு தெரிஞ்சுது.!"
அவன் தலை கவிழ்ந்து வெளியேறினான்.
கருத்துகள் இல்லை:
கருத்துரையிடுக